ಆಯುರ್ವೇದ ಹೆಲ್ತ್‌ ಟಿಪ್ಸ್‌: ಆಹಾರ ಸೇವಿಸುವಾಗ ಸ್ಥಳದ ಜೊತೆಗೆ ಮನಸ್ಸು ಕೂಡ ಶುಚಿಯಾಗಿರಬೇಕು

ಮನಸ್ಸಿಗೆ ಇಷ್ಟವಾಗುವ ಮತ್ತು ಅಗತ್ಯವಾದ ಉಪಕರಣಗಳಿಂದ ಸಜ್ಜಿತವಾದ ಸ್ಥಳದಲ್ಲಿ ಆಹಾರ ಸೇವಿಸುವುದು ಉತ್ತಮ ಎಂದು ಆಯುರ್ವೇದದಲ್ಲಿ (Ayurveda) ಹೇಳಲಾಗಿದೆ. ಇಂತಹ ಸ್ಥಳದಲ್ಲಿ ಆಹಾರ ಸೇವಿಸಿದಾಗ ಮನಸ್ಸಿಗೆ ಯಾವುದೇ ಮಾನಸಿಕ ಅಸ್ವಸ್ಥತೆ ಉಂಟಾಗುವುದಿಲ್ಲ. ಆದರೆ ಅಸೌಕರ್ಯಕರ ಸ್ಥಳಗಳಲ್ಲಿ ಅಥವಾ ಅಗತ್ಯವಾದ ಉಪಕರಣಗಳಿಲ್ಲದೆ ಆಹಾರ ಸೇವಿಸಿದರೆ ಮನಸ್ಸಿನಲ್ಲಿ ಅಶಾಂತಿ ಉಂಟಾಗಿ, ಅದರಿಂದ ಅನೇಕ ತೊಂದರೆಗಳು ಆಗಬಹುದು.

ಕೆಲವೊಮ್ಮೆ ಆಹಾರ ಸರಿಯಾದ ಪ್ರಮಾಣದಲ್ಲಿದ್ದರೂ ಭಯ, ಕೋಪ, ನಾಚಿಕೆ, ಅಸೂಯೆ ಮುಂತಾದ ಕಾರಣಗಳಿಂದ ಮನಸ್ಸು ಅಶಾಂತಿಯಿಂದ ಕೂಡಿದ್ದರೇ, ಒಳ್ಳೆಯ ಮತ್ತು ಸ್ವಚ್ಛವಾದ ಆಹಾರವನ್ನು ಸೇವಿಸಿದರೂ ಅದು ಅಜೀರ್ಣವಾಗಬಹುದು.

ಸುಶ್ರುತರು ಆಹಾರ ಸೇವಿಸುವ ಸ್ಥಳ ಮತ್ತು ವಿಧಾನಗಳ ಬಗ್ಗೆ ಕೆಲವು ವಿಶೇಷ ಮಾರ್ಗಸೂಚಿಗಳನ್ನು ನೀಡಿದ್ದಾರೆ. ಅವರು ಸುಂದರ ಮತ್ತು ಶುಭಕರವಾದ, ವಾಸ್ತು ದೋಷವಿಲ್ಲದ, ಅನಾವಶ್ಯಕ ಜನರಿಲ್ಲದ, ಸುಗಂಧಮಯವಾದ ಹಾಗೂ ಧೂಳು ಮತ್ತು ಇತರ ಜೀವಿಗಳಿಂದ ರಕ್ಷಿಸುವುದು, ಮುಚ್ಚಿಟ್ಟ ಆಹಾರ ಸೇವಿಸಲು ಸಲಹೆ ನೀಡಿದ್ದಾರೆ.

ಜೊತೆಗೆ ಆಹಾರ ತಯಾರಿ, ಸಂಗ್ರಹಣೆ, ಪೂರೈಕೆ ಮತ್ತು ಸೇವನೆಗೆ ವಿವಿಧ ರೀತಿಯ ಪಾತ್ರೆಗಳ ಬಳಕೆಯನ್ನು ಅವರು ವಿವರಿಸಿದ್ದಾರೆ. ಉದಾಹರಣೆಗೆ ಹಾಲನ್ನು ತಾಮ್ರದ ಪಾತ್ರೆಯಲ್ಲಿ ಮತ್ತು ಮದ್ಯವನ್ನು ಮಣ್ಣಿನ ಪಾತ್ರೆಯಲ್ಲಿ ಇಡುವುದನ್ನು ಹೇಳಿದ್ದಾರೆ.

ಮರದ ಕೆಳಗೆ, ಆಶ್ರಯವಿಲ್ಲದ ಸ್ಥಳದಲ್ಲಿ, ಹಾಸಿಗೆಯ ಮೇಲೆ, ಬಿಸಿಲಿನ ತೀವ್ರತೆಯಲ್ಲಿ ಅಥವಾ ಸಂಪೂರ್ಣ ಕತ್ತಲೆಯಲ್ಲಿಯೂ ಆಹಾರ ಸೇವಿಸಬಾರದು. ಹಾಗೆಯೇ ಮುರಿದ ಅಥವಾ ಅಸ್ವಚ್ಛ ಪಾತ್ರೆಗಳಲ್ಲಿ ಆಹಾರ ಸೇವಿಸುವುದನ್ನೂ ತಪ್ಪಿಸಬೇಕು.

ಇಂತಹ ಅಂಶಗಳು ಮನಸ್ಸಿನ ಮೇಲೆ ಪರಿಣಾಮ ಬೀರುತ್ತವೆ. ಇದರಿಂದ ಮನಸ್ಸು ಆಹಾರದಿಂದ ಬೇರೆಡೆಗೆ ತಿರುಗುತ್ತದೆ ಮತ್ತು ಆಹಾರವು ಹೊರಗಿನ ಅಶುದ್ಧ ಅಂಶಗಳಿಂದ ಕಲುಷಿತವಾಗುವ ಸಾಧ್ಯತೆ ಇದೆ. ಆದ್ದರಿಂದ ಯಾವಾಗಲೂ ಸೂಕ್ತ ಸ್ಥಳದಲ್ಲಿ ಮತ್ತು ಸರಿಯಾದ ಪಾತ್ರೆಗಳಿಂದ ಆಹಾರ ಸೇವಿಸುವುದು ಅಗತ್ಯ. ಶಾಂತ ಮನಸ್ಸಿನಿಂದ ಸೇವಿಸಿದ ಆಹಾರವು ದೇಹಕ್ಕೆ ಉತ್ತಮವಾಗಿ ಜೀರ್ಣವಾಗುತ್ತದೆ ಮತ್ತು ಆರೋಗ್ಯವನ್ನು ಕಾಪಾಡಲು ಸಹಾಯ ಮಾಡುತ್ತದೆ.

ಸೂಚನೆ : ಪ್ರತಿ ವ್ಯಕ್ತಿಯ ದೇಹಪ್ರಕೃತಿ, ಆರೋಗ್ಯ ಸ್ಥಿತಿ ಹಾಗೂ ರೋಗಾವಸ್ಥೆ ವಿಭಿನ್ನವಾಗಿರುವುದರಿಂದ, ಸೂಕ್ತ ಮಾರ್ಗದರ್ಶನಕ್ಕಾಗಿ ನುರಿತ ಆಯುರ್ವೇದ ವೈದ್ಯರನ್ನು ಸಂಪರ್ಕಿಸಿ ನಂತರವೇ ಅನುಸರಿಸಬೇಕು.

ಮತ್ತುಷ್ಟು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್‌ ಮಾಡಿ