ಉದ್ಯೋಗಾಕಾಂಕ್ಷಿಗಳಿಗೆ ಸಿಹಿ ಸುದ್ದಿ: ರೈಲ್ವೆ ಇಲಾಖೆಯಿಂದ 11,127 ಹುದ್ದೆಗಳಿಗೆ ಭರ್ತಿ ಆರಂಭ, ಅರ್ಜಿ ಆಹ್ವಾನ

ಭಾರತೀಯ ರೈಲ್ವೆ ನೇಮಕಾತಿ ಮಂಡಳಿಗಳು (RRBs) 2026ನೇ ಸಾಲಿನ ಸಹಾಯಕ ಲೋಕೊ ಪೈಲಟ್ (Assistant Loco Pilot – ALP) ಹುದ್ದೆಗಳ ನೇಮಕಾತಿಗೆ ಸಂಬಂಧಿಸಿದಂತೆ ಸಂಕ್ಷಿಪ್ತ ಅಧಿಸೂಚನೆಯನ್ನು ಬಿಡುಗಡೆ ಮಾಡಿವೆ. ಈ ನೇಮಕಾತಿ ಪ್ರಕ್ರಿಯೆ ಕೇಂದ್ರೀಕೃತ ಉದ್ಯೋಗ ಅಧಿಸೂಚನೆ (Centralized Employment Notification – CEN) ಸಂಖ್ಯೆ 01/2026 ಅಡಿಯಲ್ಲಿ ನಡೆಯಲಿದೆ.

ರೈಲ್ವೆ ಇಲಾಖೆಯು ಈ ಬಾರಿ ವಿವಿಧ ವಲಯಗಳಲ್ಲಿ ಖಾಲಿ ಇರುವ ಒಟ್ಟು 11,127 ಸಹಾಯಕ ಲೋಕೊ ಪೈಲಟ್ ಹುದ್ದೆಗಳನ್ನು ಭರ್ತಿ ಮಾಡುತ್ತಿದೆ. ಆಸಕ್ತ ಅಭ್ಯರ್ಥಿಗಳು 2026ರ ಮೇ 15 ರಿಂದ ಅಧಿಕೃತ ವೆಬ್‌ಸೈಟ್ rrbapply.gov.in ಮೂಲಕ ಆನ್‌ಲೈನ್‌ನಲ್ಲಿ ಅರ್ಜಿ ಸಲ್ಲಿಸಬಹುದು. ಅರ್ಜಿ ಸಲ್ಲಿಸಲು 2026ರ ಜೂನ್ 14 ಕೊನೆಯ ದಿನಾಂಕವಾಗಿದೆ.

ಅರ್ಜಿ ಪ್ರಕ್ರಿಯೆ ಆರಂಭವಾಗುವ ಮೊದಲು ವಲಯವಾರು ಖಾಲಿ ಹುದ್ದೆಗಳು, ಪರೀಕ್ಷಾ ಪಠ್ಯಕ್ರಮ, ಮೀಸಲಾತಿ ನಿಯಮಗಳು ಸೇರಿದಂತೆ ಸಂಪೂರ್ಣ ವಿವರಗಳನ್ನು ಒಳಗೊಂಡಿರುವ ವಿವರವಾದ ಅಧಿಸೂಚನೆಯನ್ನು ಪ್ರಕಟವಾಗುತ್ತದೆ.

ಅರ್ಹತಾ ಮಾನದಂಡಗಳು

ಈ ನೇಮಕಾತಿಗೆ ಅರ್ಜಿ ಸಲ್ಲಿಸಲು ಅಭ್ಯರ್ಥಿಗಳು ಕೆಳಗಿನ ಅರ್ಹತಾ ಮಾನದಂಡಗಳನ್ನು ಪೂರೈಸಿರಬೇಕು.

ಶೈಕ್ಷಣಿಕ ಅರ್ಹತೆ

ಮಾನ್ಯತೆ ಪಡೆದ ಮಂಡಳಿಯಿಂದ ಮೆಟ್ರಿಕ್ಯುಲೇಷನ್ / SSLC (10ನೇ ತರಗತಿ ಉತ್ತೀರ್ಣ)

ಸಂಬಂಧಿತ ವೃತ್ತಿಗಳಲ್ಲಿ NCVT / SCVT ಮಾನ್ಯತೆ ಪಡೆದ ITI ಪ್ರಮಾಣಪತ್ರ,

ಉದಾಹರಣೆಗೆ: ಫಿಟ್ಟರ್ (Fitter), ಎಲೆಕ್ಟ್ರಿಷಿಯನ್ (Electrician), ಮೆಕಾನಿಕ್ ಡೀಸೆಲ್ (Mechanic Diesel), ಟರ್ನರ್ (Turner) ಇತರೆ ತಾಂತ್ರಿಕ ವೃತ್ತಿಗಳು.

ಅಥವಾ

ಎಂಜಿನಿಯರಿಂಗ್ ವಿಭಾಗಗಳಲ್ಲಿ ಡಿಪ್ಲೊಮಾ ಹೊಂದಿರಬೇಕು: ಮೆಕಾನಿಕಲ್ ಎಂಜಿನಿಯರಿಂಗ್, ಎಲೆಕ್ಟ್ರಿಕಲ್ ಎಂಜಿನಿಯರಿಂಗ್, ಎಲೆಕ್ಟ್ರಾನಿಕ್ಸ್ ಎಂಜಿನಿಯರಿಂಗ್, ಆಟೋಮೊಬೈಲ್ ಎಂಜಿನಿಯರಿಂಗ್

ವಯೋಮಿತಿ

ಅಭ್ಯರ್ಥಿಗಳ ವಯಸ್ಸನ್ನು 2026ರ ಜುಲೈ 1ರಂತೆ ಪರಿಗಣಿಸಲಾಗುತ್ತದೆ.

ಕನಿಷ್ಠ ವಯಸ್ಸು: 18 ವರ್ಷ

ಗರಿಷ್ಠ ವಯಸ್ಸು: 30 ವರ್ಷ

ಎಸ್‌ಸಿ / ಎಸ್‌ಟಿ, ಓಬಿಸಿ, ಅಂಗವಿಕಲರು ಮತ್ತು ನಿವೃತ್ತ ಸೈನಿಕರಿಗೆ ವಯೋಮಿತಿ ಸಡಿಲಿಕೆ ನೀಡಲಾಗುತ್ತದೆ.

ಆಯ್ಕೆ ಪ್ರಕ್ರಿಯೆ

ಸಹಾಯಕ ಲೋಕೊ ಪೈಲಟ್ ಹುದ್ದೆಗಳ ನೇಮಕಾತಿ ಪ್ರಕ್ರಿಯೆ ಹಲವು ಹಂತಗಳಲ್ಲಿ ನಡೆಯುತ್ತದೆ.

CBT-1 – ಮೊದಲ ಹಂತದ ಕಂಪ್ಯೂಟರ್ ಆಧಾರಿತ ಪರೀಕ್ಷೆ

CBT-2 – ಎರಡನೇ ಹಂತದ ಕಂಪ್ಯೂಟರ್ ಆಧಾರಿತ ಪರೀಕ್ಷೆ

CBAT – ಕಂಪ್ಯೂಟರ್ ಆಧಾರಿತ ಸಾಮರ್ಥ್ಯ ಪರೀಕ್ಷೆ (Aptitude Test)

ದಾಖಲೆ ಪರಿಶೀಲನೆ (Document Verification)

ವೈದ್ಯಕೀಯ ಪರೀಕ್ಷೆ (Medical Examination)

ಅಂತಿಮ ಆಯ್ಕೆ CBT-2 ಹಾಗೂ ಸಾಮರ್ಥ್ಯ ಪರೀಕ್ಷೆಯಲ್ಲಿನ ಸಾಧನೆ ಆಧಾರವಾಗಿ ನಡೆಯುತ್ತದೆ.

[RRB ALP CEN 01/2026 ಕಿರು ಸೂಚನೆ PDF ಡೌನ್‌ಲೋಡ್ ಮಾಡಿ]

ಮತ್ತಷ್ಟು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ