ರೈಲ್ವೆ ಇಲಾಖೆ ನೇಮಕಾತಿ 2026: 11,127 ಹುದ್ದೆಗಳು, 10th ಪಾಸ್‌

ಸರ್ಕಾರಿ ಉದ್ಯೋಗ ಆಕಾಂಕ್ಷಿಗಳಿಗೆ ರೈಲ್ವೆ  ಸಚಿವಾಲಯವು ಸಿಹಿ ಸುದ್ದಿ ನೀಡಿದೆ. ರೈಲ್ವೆ ಸಚಿವಾಲಯವು 11,000 ಕ್ಕೂ ಹೆಚ್ಚು ಅಸಿಸ್ಟೆಂಟ್ ಲೋಕೋ ಪೈಲಟ್ (ALP) ಹುದ್ದೆಗಳಿಗೆ ಹೊಸ ನೇಮಕಾತಿ ಪ್ರಕ್ರಿಯೆಗೆ ಅನುಮೋದನೆ ನೀಡಿದೆ. ಈಗ ಅನುಮೋದನೆ ದೊರೆತಿರುವುದರಿಂದ, ರೈಲ್ವೆ ನೇಮಕಾತಿ ಮಂಡಳಿ (RRB) ಶೀಘ್ರದಲ್ಲೇ ALP ನೇಮಕಾತಿ 2026 ಕುರಿತ ಅಧಿಕೃತ ಅಧಿಸೂಚನೆಯನ್ನು ಪ್ರಕಟಿಸಲಿದೆ.

ಪ್ರಕಟಿಸಿದ ವಿವರಗಳ ಪ್ರಕಾರ, ಒಟ್ಟು 11,127 ಹುದ್ದೆಗಳು ವಿವಿಧ ರೈಲ್ವೆ ವಲಯಗಳಲ್ಲಿ ಮಂಜೂರಾಗಿವೆ. ಈ ನೇಮಕಾತಿ ವಲಯವಾರು ನಡೆಯಲಿದ್ದು, ಪ್ರತಿ ರೈಲ್ವೆ ವಲಯದ ಅಗತ್ಯತೆಗಳ ಆಧಾರದ ಮೇಲೆ ಹುದ್ದೆಗಳು ಭರ್ತಿ ಮಾಡಲಾಗುತ್ತದೆ.

ಹುದ್ದೆಗಳ ವಿವರ

ಅತ್ಯಧಿಕ ಹುದ್ದೆಗಳು ಪೂರ್ವ ಕರಾವಳಿ ರೈಲ್ವೆಯಲ್ಲಿ 1,625, ಆಗ್ನೇಯ ರೈಲ್ವೆಯಲ್ಲಿ 1,531 ಹುದ್ದೆಗಳು ಇದ್ದು, ಕೇಂದ್ರ ರೈಲ್ವೆ ವಲಯದಲ್ಲಿ 1,400 ಹುದ್ದೆಗಳು ಲಭ್ಯವಿವೆ.

ಇತರ ಪ್ರಮುಖ ಹುದ್ದೆಗಳು  

* ಈಶಾನ್ಯ ಗಡಿ ರೈಲ್ವೆ – 1,276

* ಉತ್ತರ ರೈಲ್ವೆ – 740

* ಪೂರ್ವ ಕೇಂದ್ರ ರೈಲ್ವೆ – 700

* ದಕ್ಷಿಣ ಮಧ್ಯೆ ರೈಲ್ವೆ – 674

* ವಾಯುವ್ಯ ರೈಲ್ವೆ – 600

* ನೈಋತ್ಯ ರೈಲ್ವೆ ವಲಯ – 214

* ದಕ್ಷಿಣ ರೈಲ್ವೆಯ – 250

ಇದಲ್ಲದೆ, ಚಿತ್ತರಂಜನ್ ಲೋಕೊಮೊಟಿವ್ ವರ್ಕ್ಸ್ (CLW) ಗೂ ಕೆಲವು ಹುದ್ದೆಗಳು ಮಂಜೂರಾಗಿವೆ.

ಈ 11,127 ಹುದ್ದೆಗಳ ಅಧಿಕೃತ ಅಧಿಸೂಚನೆ ಶೀಘ್ರದಲ್ಲೇ ಪ್ರಕಟವಾಗುವ ನಿರೀಕ್ಷೆಯಿದೆ. ಅಭ್ಯರ್ಥಿಗಳು ನಿಯಮಿತವಾಗಿ RRB ಅಧಿಕೃತ ವೆಬ್‌ಸೈಟ್ ಪರಿಶೀಲಿಸಿ ನವೀಕರಣಗಳನ್ನು ಗಮನಿಸಬೇಕು.

ಅರ್ಹತಾ ಮಾನದಂಡಗಳು

ಈ ಅರ್ಹತೆಗಳು ಹಿಂದಿನ ALP ಅಧಿಸೂಚನೆಯ ಆಧಾರದ ಮೇಲೆ ನಿರ್ಧರಿಸಲಾಗಿದೆ.

ಶೈಕ್ಷಣಿಕ ಅರ್ಹತೆ

ಅಭ್ಯರ್ಥಿಗಳು ಮಾನ್ಯತೆ ಪಡೆದ ಮಂಡಳಿಯಿಂದ 10ನೇ ತರಗತಿ (SSLC) ಉತ್ತೀರ್ಣರಾಗಿರಬೇಕು. ಜೊತೆಗೆ ಫಿಟ್ಟರ್, ಎಲೆಕ್ಟ್ರಿಷಿಯನ್, ಎಲೆಕ್ಟ್ರಾನಿಕ್ಸ್ ಮೆಕಾನಿಕ್, ಮೆಕಾನಿಕ್ (ಡೀಸೆಲ್), ಟರ್ನರ್, ಮಶಿನಿಸ್ಟ್, ರೆಫ್ರಿಜರೇಶನ್ ಮತ್ತು ಏರ್ ಕಂಡಿಷನಿಂಗ್ ಮೆಕಾನಿಕ್ ಸೇರಿದಂತೆ ಸಂಬಂಧಿತ ವೃತ್ತಿಗಳಲ್ಲಿ NCVT/SCVT ಮಾನ್ಯತೆ ಪಡೆದ ITI ಪೂರ್ಣಗೊಳಿಸಿರಬೇಕು. ಮೇಲ್ಕಂಡ ವೃತ್ತಿಗಳಲ್ಲಿ ಅಪ್ರೆಂಟಿಸ್ ಪೂರ್ಣಗೊಳಿಸಿದವರೂ ಅರ್ಹರಾಗಿರುತ್ತಾರೆ.

ವಯೋಮಿತಿ

ಅಭ್ಯರ್ಥಿಗಳ ವಯಸ್ಸು 18 ರಿಂದ 30 ವರ್ಷಗಳೊಳಗಿರಬೇಕು. ಮೀಸಲಾತಿ ವರ್ಗದ ಅಭ್ಯರ್ಥಿಗಳಿಗೆ ರೈಲ್ವೆ ನಿಯಮಾವಳಿಗಳ ಪ್ರಕಾರ ವಯೋಸಡಿಲಿಕೆ ನೀಡಲಾಗುತ್ತದೆ. ಅರ್ಜಿ ಸಲ್ಲಿಸುವ ವೇಳೆ ಮಾನ್ಯ ಪ್ರಮಾಣಪತ್ರಗಳನ್ನು ಸಲ್ಲಿಸಬೇಕು.

ಅರ್ಜಿ ಸಲ್ಲಿಸುವ ವಿಧಾನ

ಅಧಿಕೃತ ಅಧಿಸೂಚನೆ ಪ್ರಕಟವಾದ ನಂತರ, ಅಭ್ಯರ್ಥಿಗಳು ತಮ್ಮ ತಮ್ಮ ವಲಯದ RRB ಅಧಿಕೃತ ವೆಬ್‌ಸೈಟ್ ಮೂಲಕ ಆನ್‌ಲೈನ್‌ನಲ್ಲಿ ಅರ್ಜಿ ಸಲ್ಲಿಸಬೇಕು. ಮೊದಲು ನೋಂದಣಿ ಮಾಡಿ, ವೈಯಕ್ತಿಕ ಮತ್ತು ಶೈಕ್ಷಣಿಕ ವಿವರಗಳನ್ನು ಭರ್ತಿ ಮಾಡಿ, ಅಗತ್ಯ ದಾಖಲೆಗಳನ್ನು ಅಪ್‌ಲೋಡ್ ಮಾಡಿ ಹಾಗೂ ಅರ್ಜಿ ಶುಲ್ಕವನ್ನು ಪಾವತಿಸಬೇಕು. ಅಂತಿಮವಾಗಿ ಸಲ್ಲಿಸುವ ಮೊದಲು ಎಲ್ಲಾ ಮಾಹಿತಿಯನ್ನು ಚೆನ್ನಾಗಿ ಪರಿಶೀಲಿಸುವುದು ಅತ್ಯಂತ ಮುಖ್ಯ.

11,000 ಕ್ಕೂ ಹೆಚ್ಚು ಹುದ್ದೆಗಳು ಮಂಜೂರಾಗಿರುವುದರಿಂದ, ಈ ನೇಮಕಾತಿಗೆ ಬಹುಸಂಖ್ಯೆಯ ಅಭ್ಯರ್ಥಿಗಳು ಅರ್ಜಿ ಸಲ್ಲಿಸುವ ಸಾಧ್ಯತೆ ಇದೆ. ರೈಲ್ವೆ ಉದ್ಯೋಗದಲ್ಲಿ ಆಸಕ್ತಿ ಹೊಂದಿರುವವರು ಈಗಿನಿಂದಲೇ ಸಿದ್ಧತೆ ಆರಂಭಿಸಿ ಅಧಿಕೃತ ಪ್ರಕಟಣೆಗಳನ್ನು ಗಮನಿಸಬೇಕು.

ವೇತನ ಮತ್ತು ಸೌಲಭ್ಯಗಳು

ಆಯ್ಕೆಯಾದ ಅಭ್ಯರ್ಥಿಗಳಿಗೆ 7ನೇ ವೇತನ ಆಯೋಗದ ಲೆವೆಲ್-2 ಅಡಿಯಲ್ಲಿ ಪ್ರಾರಂಭಿಕವಾಗಿ ರೂ. 19,900 ಮಾಸಿಕ ವೇತನ ನೀಡಲಾಗುತ್ತದೆ. ಇದಕ್ಕೆ ಜೊತೆಗೆ ಭತ್ಯೆಗಳು ಮತ್ತು ಇತರೆ ಸೌಲಭ್ಯಗಳು ದೊರೆಯುತ್ತವೆ, ಇದರಿಂದ ಒಟ್ಟಾರೆ ವೇತನ ಆಕರ್ಷಕವಾಗಿರುತ್ತದೆ.

ಆಯ್ಕೆ ಪ್ರಕ್ರಿಯೆ

* CBT 1 (ಕಂಪ್ಯೂಟರ್ ಆಧಾರಿತ ಪರೀಕ್ಷೆ)

* CBT 2

* ಕಂಪ್ಯೂಟರ್ ಆಧಾರಿತ ಅಭಿರುಚಿ ಪರೀಕ್ಷೆ

* ದಾಖಲೆ ಪರಿಶೀಲನೆ

* ವೈದ್ಯಕೀಯ ಪರೀಕ್ಷೆ ಎರಡೂ CBT ಪರೀಕ್ಷೆಗಳಲ್ಲಿ ನೆಗೆಟಿವ್ ಮಾರ್ಕಿಂಗ್ ಇರುತ್ತದೆ. ಪರೀಕ್ಷೆಗಳು ಬಹು ಶಿಫ್ಟ್‌ಗಳಲ್ಲಿ ನಡೆಯುವುದರಿಂದ, ಅಂಕಗಳ ನಾರ್ಮಲೈಸೇಶನ್ ವಿಧಾನವನ್ನು ಅನುಸರಿಸಲಾಗುತ್ತದೆ.

ಮತ್ತುಷ್ಟು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್‌ ಮಾಡಿ